به گزارش اسپوتنیک، وزارت دفاع روسیه گزارش‌ها درمورد عملیات نیروهای هوایی روسیه در شمال افغانستان را رد نموده است.
وزارت دفاع روسیه با نشر یک خبرنامه، اعلام نموده است که طیاره‌های نظامی روسی هیچ عملیات هوایی را در منطقه سرحدی تاجیکستان با افغانستان انجام نداده اند.
در خبرنامه آمده است: "طیاره‌های نظامی روسی هیچ عملیات نظامی را در منطقه سرحد دولتی جمهوری تاجیکستان و افغانستان، انجام نداده اند".
وزارت دفاع روسیه نوشته است: "گزارش‌ها مبنی بر اینکه طیاره‌های روسی جنگجویان جنبش اسلامی طالبان را در منطقه سرحدی شمال شرقی افغانستان، با واقعیت سازگار نیست".
قبل از این گزارش شده بود که طیاره‌های روسی جنگجویان طالبان را در ولسوالی درقد ولایت تخار مورد حملات هوایی قرار داده اند.
سپس گزارش شد که پس از درگیری مسلحانه میان جنگویان طالب و نیروهای سرحدی تاجیکستان، نیروهای هوایی تاجیکستان این جنگجویان را بمباران نموده اند.