سفر رئیس جمهور غنی به ولایت بادغیس

به گزارش اسپوتنیک به نقل از ارگ ریاست جمهوری افغانستان، رئیس جمهور، حوالی ساعت صبح‌ امروز کابل را به قصد بادغیس ترک کرده‌است.
رئیس جمهور در سفرش به بادغیس شماری از پروژه‌ها به شمول پروژۀ برق را برای آن ولایت، افتتاح خواهد کرد.
در خبرنامه ارگ ریاست جمهوری آمده است که رئیس جمهور را در این سفر، یک هیئت بلند رتبۀ دولتی، همراهی می‌کنند.
در عین زمان، مسؤولان محلی در ولایت بادغیس تایید می‌کنند که رئیس جمهور کشور به آن ولایت رسیده‌است.

گفته می‌شود که رئیس جمهور در سفر به بادغیس، چند روزی در آن ولایت خواهد ماند.
این در حال است که قبل از این نیز رئیس جمهور کشور به ولایت بادغیس سفر کرده و وعده‌های برای آبادانی آن ولایت به شهروندان داده بود.
شهروندان ولایت باذغیس می‌گویند که رئیس جمهور به وعده‌های که داده بود، عمل نکرده‌است و هیچ کار بنیادی تا هنوز صورت نگرفته‌ است.