تاجیکستان از روند گفت‌وگوهای صلح افغانستان حمایت کرد

© Photo / Twitter account of Dr. Abdullah Abdullahتاجیکستان از روند گفت‌وگوهای صلح افغانستان حمایت کرد
تاجیکستان از روند گفت‌وگوهای صلح افغانستان حمایت کرد - اسپوتنیک افغانستان
عضو شوید
نخست وزیر تاجیکستان در دیدار با عبدالله عبدالله، پشتیبانی کشورش از تلاش‌های صلح به رهبری و مالکیت افغان‌ها را اعلام کرده‌ و ابراز امیدواری کرده‌است که تلاش‌های کنونی برای تحقق صلح در افغانستان به نتیجه برسد.

به گزارش اسپوتنیک به نقل از تلویزیون 1، عبدالله عبدالله، رییس شورای عالی مصالحه‌ی ملی امروز دوشنبه اول جدی به تاجیکستان رفت و با نخست وزیر این کشور دیدار کرد.

  عبدالله به تاجیکستان رفت - اسپوتنیک افغانستان
عبدالله به تاجیکستان رفت

قاهر رسول‌زاده، نخست وزیر تاجیکستان در این دیدار، افغانستان را از دوستان و متحدان تاجیکستان خوانده و گفته است که صلح در افغانستان، باعث رونق بیشتر اقتصادی در کشورهای منطقه خواهد شد.

او همچنان تاکید کرده است که امنیت پایدار در افغانستان، صلح و ثبات در منطقه را تضمین می‌کند.

آقای عبدالله نیز نقش تاجیکستان را در تامین صلح در افغانستان مهم خوانده و خواهان همکاری این کشور شده‌است.

رییس شورای عالی مصالحه‌ی ملی در این سفر با محمد‌طاهر ذاکرزاده، ریيس مجلس نماینده‌گان تاجیکستان نیز دیدار و گفتگو کرده‌است.

نوار خبری
0
برای شرکت در گفتگو
ورود به سیستمیا ثبت نام کنید
loader
بحث و گفتگو
Заголовок открываемого материала