به گزارش اسپوتنیک به نقل از رسانه ها، کاخ سپیدار در خبرنامه‌یی روز چهارشنبه (30جوزا) می‌گوید که آقای عبدالله، ازبهر اشتراک در نشست بین‌المللی زیر نام «آب برای توسعهی پایدار» و به فراخوان رسمی قاهر رسول‌زاده، نخست‌وزیر جمهوری تاجیکستان، در رأس یک هیأت بلندپایۀ دولتی، امروز وارد شهر دوشنبه شد.
خبرنامه می‌افزاید که رییس اجرائیه کشور افزون‌بر سخن‌رانی در نشست بین‌المللی آب برای توسعهی پایدار که هدف آن استفاده خوب و مدیریت آب برای توسعهی پایدار است، با امام‌علی رحمان، رییس‌جمهوری تاجیکستان، قاهر رسول‌زاده، نخست‌وزیر و رییس پارلمان این کشور، دیدار می‌کند.
همچنین گفته می شود، آقای عبدالله در حاشیه‌ی این سفر، با رییس‌جمهوری ترکمنستان، رییس‌جمهوری اسلامی پاکستان و شمار دیگر از مقام‌های این کشورها، دیدار می‌کند.
در این سفر، توافق‌نامه‌ی همکاری در عرصه‌ی مخابرات، یادداشت تفاهم همکاری در زمینه‌ی معادن و اعلامیه مشترک میان مقام‌های جمهوری اسلامی افغانستان و جمهوری تاجیکستان به‌امضا می‌رسد و هردوطرف روی گسترش روابط دوجانبه، تقویت همکاری‌های امنیتی، اقتصادی، اجتماعی، فرهنگی، تجارت، ترانزیت و مبارزه مشترک با هراس‌افگنی، گفت‌وگو می‌کنند.
#Abdullah To Address Key Water Resource Management Summithttps://t.co/ufobNJVNKU pic.twitter.com/H1qy0iBlLU
— TOLOnews (@TOLOnews) June 20, 2018
رییس اجرائیه را در این سفر، ویس‌احمد برمک، وزیر امور داخله، شهزادگل آریوبی، وزیر مخابرات، حکمت خلیل کرزی، معین سیاسی وزارت امور خارجه، محمدگل خلمی، معین وزارت انرژی و آب، محمداسماعیل رحیمی، معین وزارت اقتصاد و میرجاوید سادات، معین وزارت معدن و پترولیم، رییس اجراییه کشور را همراهی می‌کنند.
برعلاوه قراراست در این سفر، توافق‌نامۀ همکاری در عرصۀ مخابرات، یادداشت تفاهم همکاری در زمینه‌ی معادن و اعلامیه مشترک میان مقام‌های جمهوری اسلامی افغانستان و جمهوری تاجیکستان، به‌امضا برسند.
